Ufem Titlis

I de Herbschtferie hei mir ame wunderschöne Sunnetag mit gueter Fernsicht ganz spontan e "Göttitag" mit em Patrick yberuefe u sy uf Engelberg gfahre. Über d'Gerschnialp sy mir mit de Gondeli uf Trüebsee gondelet u vo dert mit dr grosse Kabinebahn ufe Titlis ueche gschwäbt. Uf über 3000 Meter het üs e wunderbari Rund- u Fernsicht erwartet. Mit em Ice-Flyer sy mir no über d'Gletscherspaute "g'floge". Nachem Gnuss vom Panorama sy mir de zrügg zum Trüebsee u hei am ruehige Ufer gmüetlech Pic-Nigget. Gschtercht hei mir d'Wanderig tauwärts dürs Kanunerohr uf Ungertrüebsee unger d'Schueh gnoh. Ds Agebot vom Trotti-Fahre bis zur Talstation hei mir is de nid la näh u dr Fuessmarsch mit zwöine Redli chly verchürzt. Üsi Chnöj u vorauem dr Patrick hei's sehr g'fröit. E wunderschöne gmeinsame Tag mit em Göttibueb isch i d'Erinnerig ygange.


zurück
   nach oben
           

 

 

 

 

 

 

 

 

 

 

 

Wetteraussichten in der Region


Weitere interessante Links:



©

Alle Rechte vorbehalten:

Heinz und Barbara