Wanderig uf e Hohgant West


Am 1. Ougschte, notabene am Nationaufyrtig, isch dr Heinz zäme mit em Urban am Morge früeh Richtig Innereriz g'fahre bis i d'Region vo de Ferieheim u sy vo dert us gschtartet. D'Wanderig ufwärts isch über Breitwang u vo dert us rächterhand düre Wald düruf uf em gäbige Zickzack-Wägli gange, wo sy nach ca. 2h Wanderzyt obe a dr chlyne Chrinne am Fuess vom Trogehorn sy acho. Über dr Waldgränze uf dr Nordsyte het me de scho gly ds Panorama über em Innereriz chönne gniesse.  Route auf SchweizMobil

Blick über die sieben Hengste, das Innereriz und Zulgtal

Obe a dr chlyne Chrinne am Fuess vom Trogehorn acho, het sech de Wandersmanne es wunderbars Panorama präsentiert u ds "wow" vom Urban, wo sech ehner a die flächere Höger vom Appezällerland gwahnet isch, isch de o nid usblibe!

Ein atemberaubendes Panorama empfängt uns

Der Blick zurück Richtung Nord-Westen

Nach ere churze Verpflegis- u Panorama-gniess-Pouse, isch de no dr Ufschtig ufs Trogehorn ufem Plan gsy mit eme nid ganz gäbige Abschtig über d'Oschtflangge u di nid so ganz wanderkonform ufgschichtete Fels-Chlötz vom Trogehorn. Me chönnt sech die Müej u d'Gfahr vom Fuess verdräje eigentlech spare u ds Trogehorn uf dr Südsyte umgah. Itäm, jetz wüsse mir o das u üsi Wanderig isch wyter ostwärts unger em Felsband düre u im Aschluss dürs "Chemi" düruf, wo sit nöjschtem es paar Leitere-Fragmänt montiert sy worde als Chlätterhilf ("früehner" isch me by dere Passage uf sich säuber agwise gsy...) wyter em Hohgant Westgipfu zue gange, won-is de o dert mit eme wunderschöne Rundumpanorama für paar Schweisströpf - wo's doch de no het möge gäh - entschädiget het. Dr Fötelere het de ume es paar MB müesse digitalisiere...

Auf dem Hohgant Westgipfel - 2060m

Panorama Ost - Süd

Blick Richtung Steinige Matte - Augstmatthorn - Eiger, Mönch, Jungfrau
Blick Richtung Steinige Matte - Augstmatthorn - Eiger, Mönch, Jungfrau

Panorama Süd - West

Blick auf Gemmenalphorn (Niederhorn), Sieben Henste (Widderfeld), Sigriswiler Grat
Blick auf Gemmenalphorn (Niederhorn), Sieben Henste (Widderfeld), Sigriswiler Grat

Panorama Nord - Ost

Blick Richtung Eriz - Honegg - Eggiwil - Schangnau - Wachthubel - Entlebuch - Schrattenfluh
Blick Richtung Eriz - Honegg - Eggiwil - Schangnau - Wachthubel - Entlebuch - Schrattenfluh

Wetteraussichten in der Region


Weitere interessante Links:



©

Alle Rechte vorbehalten:

Heinz und Barbara