Grindelwald - First - Faulhorn

Ändi Oktober 2011 hei mir ds schöne Herbschtwätter, won-is dr verrägnet Summer no chly zrügg gäh het, no chly gnosse i de Bärner-Oberländer Höger. Dank ere Herbschtaktion (wo mes o aus Normauverdienende cha zahle) sy mir ume mau uf d'Firscht mit de Gondeli. I guet zwe Schtung sy mir am Bachaupsee verby ufs Fuuhorn ueche gwanderet. Zum Teu dür Schnee u Pflotsch vo de erschte vorwinterliche Niderschläg. Leider het ds Bärguus d'Läde scho dicht gmacht gha. Darum hei mir de üsi Zwüscheverpflegi usem Rucksack verwärtet u derzue die wunderbari Ussicht ufem 2680m höche Ussichtsbärg gnosse.

Bräme u Flöige hets uf dere Höchi keni meh gha. Derfür het d'Schwyzer Armee ihri "Insekte" useglah, wo-n-is de no chly um d'Ohre gfloge sy.

Es Update vo nöje Bilder het's no vom August 2015.

Panorama vom Faulhorn-Gipfel, August 2015
Panorama vom Faulhorn-Gipfel, August 2015

Flügendi Schtüürgäuder..

Uf em Rückwäg gäge d'First:
Es wunderbars Poschtcharte-Panorama
mit Wetterhorn - Schreckhörner - Finsteraarhorn u em Bachalpsee

First Bachalp-See
Bachalp-See, August 2015

zurück
   nach oben
           

 

 

 

 

 

 

 

 

 

 

 

Wetteraussichten in der Region


Weitere interessante Links:



©

Alle Rechte vorbehalten:

Heinz und Barbara