Im Allgäu mit Regula u Ruedi


Im Früehlig 2014 sy mir ganz spontan uf Rot an der Rot im Baden-Würtembergische Allgäu uf ne churzi Visite vo Frytig bis Sunntig g'fahre. Dr Grund isch ds Saison-Eröffnigs-Konzärt vo de geniale sächs Blächbläser "Allgäu6" gsy.

Im gmüetleche Hotäu z'Rot hei mir e gäbige Ufenthaut gha u es paar luschtegi Stunde zäme chönne verbringe.

Im Ort säuber hets e imposanti Chloschteralag mit dr entsprächend grosse zwöitürmige Chiuche. D'Chloschtermühli isch zu me heimelige Beizli mit Bäckerei umfunktioniert worde, wo mir de o ganz fein u gedige hei chönne Gäbele.

Am Samschtig isch e Usflug uf Memminge mit eme Stadtrundgang ufem Programm gschtange, bevor mir am Abe de a ds Konzärt vo dr 7-chöpfige Blächmusig (mit em Schlagzüger) gange sy. Memmingen isch uf jede Fau e Bsuech wärt gsy mit dene vile interessante Hüser u Boustyle.


Wetteraussichten in der Region


Weitere interessante Links:



©

Alle Rechte vorbehalten:

Heinz und Barbara