Affoltern - Schaufelbühl - Lützelflüh


E wunderbari Gnusswanderig erstreckt sech vo Affoltern i.E. i südweschtlicher Richtig über Hegen, Neuegg, Schaufelbühl, Ellenberg dürab nach Lützelflüh.

Dr Wäg ir Gägerichtig u Affoltern mit der Schaukäserei aus Ziel z'wähle, wär grundsätzlich o e guti Wahl.

 

Mir hei aber dr Vorteil gseh, gäge d'Sunne z'Wandere u ds Alpenpanorama immer vor üs z'ha u schlussändlich dr zimmli steil Abstieg nid ufechraxle z'müesse.

Us dr näbeschtehende Grafik isch z'gseh, dass dr Wäg vo Affoltere bis Ellenberg mehrheitlech uf dr glyche Höchi verlouft u's de uf de letschte 2 km mit 200m Höhedifferänz zimmli steil dürab geit.
Uf üsere Wanderig a schmucke Burehüser verby hei mir uf dr lingge Syte der Blick über d'Schonegg, Ahorn, Lüderenalp g'nosse, im Süde d'Alpechötti über Eiger, Mönch, Jungfrou, Blüemlisalp, Niesen u Stockhornchötti bis rächts dr Bantiger u de über e Hüguzug Manneberg bis zur Lueg. Für die guet 9 km hei mir e Wanderzyt vo 2h 6 min. benötiget.


Wetteraussichten in der Region


Weitere interessante Links:



©

Alle Rechte vorbehalten:

Heinz und Barbara