Früehligsmorge uf de Aemmitaler Höger


Ändi Apriu sy mir beidi a me schöne Tag Richtig Aemmitau gfahre. Dr Wunsch isch scho lang gsy, mau es Alpe-Panorama z'fötele am Morge früeh bym Dänkmau uf dr Lueg. So sy mir de vorem z'Morge ufgschtange u mau vo Huus. Uf dr Lueg acho, isch d'Sicht de aues angere gsy aus klar für es Muschterpanorama. D'Sunneyschtrahlig u dr verhäutnismässig höch Füechtateu i dr Luft, sy de leider chly gäge das Projekt gsy u drum hei sech de nid so klari Ufnahme la yfah. Was derby isch usecho, gseht me - oder äbe nid eso - uf de fougende Biudli (dank Photoshop&Co. chly meh...!). Nach es paar Fotoversüech hei mir üs de ume wyter ufe Wäg gmacht...

We dr Tag erwachet uf dr Lueg

Panorama Lueg Affoltern
Panorama Lueg - Affoltern
Panorama Lueg Affoltern Emmental
Panorama vo der Lueg

Chly speter uf dr Lüderenalp - Rafrüti

Es zwöits Vorhabe, wo mir de ono grad im Plan hei gha, sy d'Krokus gsy, wo mir no irgendwo hei wöue ga sueche. Nachem früsch gschmouzne Schnee hei sech die sicher irgendwo vüre glah. So isch üsi Fahrt wyter Richtig Blapach u Rämisgumme gange. Dr diräktischt u ussichtsrychscht Wäg het is de über e Wase u d'Lüderenalp gfüehrt. Wiu's de no e wassertechnische Haut brucht het, sy mir de im Wirtshus no ga y-chere. Die wunderbari Ussicht het is de ono grad bewoge, die paar hundert Meter weschtwärts zum Ussichtshoger ob dr Rafrüti unger d'Wanderschueh z'näh. Dert obe sy mir mit ere wunderbare Panorama-Ussicht belohnt worde, wo mir hie wei zum Beschte gäh...

Rafrüti Lüderenalp Panorama
Panorama Rafrüti - Lüderenalp
Panorama Rafrüti Lüderenalp

Über e Rämisgumme zum Pfyffer u em Krokus-Meer

Panorama Rämisgummen
Panorama Rämisgummen
Rämisgummen Panorama
Panorama uf em Rämisgummen

Wo du nachem Mittag die grossi Völkerwanderig vo dr Chäserenegg Richtig Rämisgumme uf 1300m.ü.M. u Pfyffer ygsetzt het, hei mir Platz gmacht u sy de ume dürab em Tal zue mit vile schöne Erinnerige u me schöne Tag erläbt g'ha.


Wetteraussichten in der Region


Weitere interessante Links:



©

Alle Rechte vorbehalten:

Heinz und Barbara