Üsi Familie

Das sy mir, dr Heinz u d'Barbara.

Mir huse itze scho es paar Jahr ir Agglomeration vo Bärn. Zäme hei mir versuecht, zwo Töchtere, d'Sandra u d'Rahel u dr Sohn, dr Stefan, uf ihres eigete Läbe vorz'bereite.

Ob's geng zu auer z'Frideheit glunge isch, bezwyfle mir.

Mir sy aber dankbar, dass bis hütt aui Drü keni Abschtürz hei erfahre u sech zu säubschtändige, erwachsne Persönlechkeite entwicklet hei.

Sandra - Rahel - Stefan

Es sy de scho es paar Jährli sider här, wo die Foti entschtange isch. Chauti Nächt hei mir erläbt denn i de Herbschtferie u me het sech gägesytig scho müesse warm gäh unger dr Dechi. Dr Stefan isch by de beide Schwoschte meischtens scho chly dr Hahn im Chörbli gsy.

U schyns heigi är aus Jüngschte geng meh dörfe aus die eutere Schwoschte.

Es isch eso, Sandra, ds erschte Ching mues meischtens pfade u gradschtah für die Jüngere. Aber es macht o Willens-schtarch, gäu!

  ... we d'Rahel de "Malzeit" het

Stefan & Helen